Um okkum

Søgan

AWI Boats er elsta og best kenda navnið innan framleiðslu av glasfibur bátum í Føroyum. Tað vóru Aðalstein Anthoniussen og Willy Christiansen, sum í 1971 stovnaðu fyritøkuna Vejby Boats í Danmark. Navnið AWI er sett saman av nøvnunum á stovnarunum. Tað var um hesa tíðina, at fyrsti AWI 23 glasfiburbáturin varð bygdur.

Nøkur ár seinni – í 1981 – stovnaði Aðalstein AWI Boats í Føroyum við tí endamáli at framleiða og menna ymisk sløg av AWI-bátum. Í góðum samstarvi við fiskiídnaðin hevur tað eydnast at framleiða glasfiburbátar, sum passa júst til tørvin og ynskini hjá hvørjum einstøkum fiskimanni, og eru fleiri hundrað AWI-bátar framleiddir síðan byrjan.

Við ársskiftið 2012–13 keypti Univice, ein maskinverkstaður í Runavík, AWI Boats. Við nýggju eigarunum – Jóhan Henrik Olsen og Jógvan Andrias Debes – verða teir vælumtóktu fiskibátarnir framvegis framleiddir til grønlendska marknaðin.

Í dag starvast 40 fólk í fyritøkuni. Høvðusvirksemið hjá AWI er framleiðsla av dygdargóðu glasfiburbátunum til grønlendska marknaðin. Univice arbeiðir við framleiðsluútbúnaði úr rustfríum stáli til alivinnuna, skip og virkir.